Argentina yeni Prezidenti vəzifəsinin icrasına başlayıb

Xavyer Miley Argentina Prezidenti kimi and içib.

 xəbər verir ki, mərasim Konqresin binasında baş tutub.

Andiçmə mərasimindən sonra səlahiyyət müddəti başa çatan dövlət başçısı Alberto Fernandes Mileyə Prezident lentini və əsanı təqdim edib.

“Argentinalılar dəyişiklik istəyini ifadə etdilər”, - Miley Konqres qarşısında Prezident kimi ilk çıxışında deyib.

Miley Argentinada prezident seçkilərinin ikinci turunda 56 faiz səslə qalib gələrək rəqibi, hakim sol mərkəzçi İttifaqın “Vətən naminə” koalisiyasının namizədi, iqtisadiyyat naziri Serxio Massanı (44 faiz) qabaqlayıb. Daxili siyasətdə Miley hökumətin minimal müdaxiləsini müdafiə edir, ölkənin Mərkəzi Bankını ləğvini istəyir və milli valyuta olan pesonun Amerika dolları ilə əvəzlənməsini təklif edir.