Əliyar Ağayev Çempionlar Liqasında bu oyunu idarə edəcək

FIFA referisi Əliyar Ağayev növbəti təyinat alıb.

News24.az "Offsideplus.az"-a istinadla xəbər verir ki, UEFA Çempionlar Liqasının qrup mərhələsinin VI turu çərçivəsində “Srvena Svezda” (Serbiya) – “Mançester Siti” (İngiltərə) oyununun baş hakimi həmyerlimiz olacaq.

Ona FIFA referi köməkçiləri Zeynal Zeynalov və Akif Əmirəli kömək edəcəklər. Dördüncü hakim funksiyasını Elçin Məsiyev yerinə yetirəcək. Qarşılaşmanın VAR hakimi Alper Ulusoy (Türkiyə), AVAR isə Abdulkadir Bitigen (Türkiyə) olacaq.

Qeyd edək ki, oyun dekabrın 13-də keçiriləcək.