Gömrükçülər 18.800 ədəd siqaret aşkar edib - FOTO
    • 10-04-2019, 15:14
    • 655

Gömrükçülər 18.800 ədəd siqaret aşkar edib - FOTO

Qərb Ərazi Baş Gömrük İdarəsinin Əməliyyat və Təhqiqat İdarəsinə "VAZ-21074" markalı nəqliyyat vasitəsində Azərbaycan Respublikasının aksiz markası ilə markalanmayan siqaretlərin olduğu barədə məlumat daxil olub və məlumat əsasında yaradılan əməliyyat qrupu tərəfindən həmin avtomobil nəzarətə götürüb.

DGK-nin Mətbuat Xidmətindən News24.az-a verilən məlumata görə, Azərbaycan vətəndaşının idarə etdiyi minik maşını Qazax - Gəncə istiqamətində hərəkət edən zaman saxlanılıb və gömrük baxışı keçirilməsi üçün "Tovuz" gömrük postunun inzibati binasının həyətinə aparılıb. 

Yoxlama zamanı nəqliyyat vasitəsinin yük yerində Azərbaycan Respublikasının aksiz markası ilə markalanmayan 18 800 ədəd "King" markalı siqaretlər aşkarlanıb.