"NATO sayıqlığını davam etdirir" - Stoltenberq
    • 30-12-2023, 12:17
    • 123

"NATO sayıqlığını davam etdirir" - Stoltenberq

“Alyans Ukrayna sərhədindən Polşa ərazisini keçən naməlum obyektlə bağlı vəziyyəti diqqətlə izləyir və sayıqdır”.

News24.az xəbər verir ki, bu barədə  NATO-nun baş katibi Yens Stoltenberq X mikrobloqunda yazıb.

“Mən bu gün Polşada baş verən raket insidenti ilə bağlı prezident Andjey Duda ilə danışdım. NATO alyansın dəyərli üzvümüz Polşa ilə tam həmrəydir və vəziyyəti izləyir. Bütün faktlar təsdiqlənənə qədər əlaqə saxlayacağıq. NATO sayıqlığını davam etdirir”, - Stoltenberq yazıb.

Xatırladaq ki, bundan əvvəl Polşa Silahlı Qüvvələri naməlum hava obyektinin ölkənin hava məkanına daxil olduğunu açıqlamışdı. Müdafiə Nazirliyi əlavə edib ki, obyekt Ukrayna sərhədini keçib və sonra radarlardan itib. Polşa Silahlı Qüvvələrinin Baş Qərargah rəisi Veslav Kukula Rusiya raketinin Polşanın hava məkanını pozduğunu açıqlayıb.

Ayşən