Dərsdən qayıdan məktəbli qızı yolda tutub zorladı - TOVUZDA

Gəncə Ağır Cinayətlər Məhkəməsində Tovuz rayonunda dərsdən qayıdan məktəbli qızı zorlayan şəxsin məhkəməsi başlayıb.

News24.az-ın məlumatına görə, hakim Faiq Mahmudovun sədrliyi ilə 48 yaşlı Mehralıyev Raqif Vaqif oğlunun barəsindəki işə baxılır. R.Mehralıyev barəsində Cinayət Məcəlləsinin 150.3.3-cü, yəni 14 yaşı tamam olmamış şəxsə qarşı seksual xarakterli hərəkətlər etmə və 149.3.3-cü, yəni 14 yaşı tamam olmamış şəxsi zorlama maddələri ilə iş açılıb. Belə ki, hadisə keçən il oktyabrın 9-da Tovuzun Yuxarı Öysüzlü kəndində baş verib.

Yolun kənarında 2 qıza hücum edərək onlardan birini yerə yıxaraq zorlamağa çalışan 1971-ci il təvəllüdlü Mehralıyev Raqif Vaqif 11-12 yaşlı qızlar məktəbdənkənar hazırlıq kursundan evə qayıdarkən onlara hücum edib. Ətrafda heç kimin olmamasından istifadə edən 47 yaşlı Raqif Mehralıyev sərxoş vəziyyətdə qızlara cumub. O, əlindəki butulkanı sındıraraq qızları hədələyib. Onlardan biri qorxaraq yaşıllıq ərazisinə qaçaraq gizlənsə də, digər qız, 11 yaşlı Ə.M.-ova qaça bilməyib. Sərxoş şəxs ona qarşı zor tədbiq edərək yeniyetməni yerə yıxıb və onu zorlayıb. Hadisə vaxtı yeniyetmə qız müxtəlif dərəcəli xəsarətlər alıb.

Günahı sübuta yetiriləcəyi təqdirdə Raqif Mehralıyevi səkkiz ildən on beş ilədək müddətə azadlıqdan məhrumetmə cəzası gözləyir.