Gəncə Ağır Cinayətlər Məhkəməsində gənc oğlana qarşı seksual xarakterli zorakılıq əməlləri törətmiş şəxslərin məhkəməsi başlayıb.

News24.az-ın məlumatına görə, Rafiq Abbaslı, İsmayıl Əliyarov və Əflatun Əsgərov barəsində Cinayət Məcəlləsinin 150.2.1-ci yəni, seksual xarakterli zorakılıq hərəkətlərinin bir qrup şəxs, qabaqcadan əlbir olan bir qrup şəxs və ya mütəşəkkil dəstə tərəfindən törədilməsi maddəsi ilə başlanmış cinayət işinin ibtidai istintaqı yekunlaşıb. Həmin şəxslər barəsindəki iş məhkəməyə göndərilib və hakim Faiq Mahmudovun sədrliyi ilə baxılır. Məlumata görə, adları qeyd edilən şəxslər keçən il Elgiz adlı (şərti) gənc oğlana qarşı mütəmadi olaraq seksual xarakterli hərəkətlər ediblər, onu qeyri-təbii yolla cinsi əlaqəyə məcbur ediblər. Məsələnin üstü açılandan sonra həmin şəxslər barəsində cinayət işi açılıb və onlar məsuliyyətə cəlb edilib.