Olimpiada qalibi olmuş məşhur idmançı vəfat etdi

SSRİ yığmasının heyətində 1972-ci ildə Yay Olimpiya Oyunlarının qalibi olmuş Anatoli Polivoda vəfat edib.

News24.az report-a istinadən xəbər verir ki, bu barədə Ukrayna Basketbol Federasiyasının mətbuat xidməti məlumat yayıb.

O, 76 yaşında dünyasını dəyişib. Anatoli Polivoda 1967-ci ildə SSRİ millisi ilə dünya, 1967, 1969 və 1971-ci illərdə Avropa çempionu olub.

Hazırda 1972-ci ildə SSRİ yığmasının heyətində olimpiadanın qalibi olmuş iki basketbolçu sağdır. Bunlar İvan Yedeşko və Modestas Paulauskasdır.