ÜST qızılca ilə bağlı xəbərdarlıq etdi

Ümumdünya Səhiyyə Təşkilatı Avropada qızılcaya yoluxma hallarının 45 dəfə artdığını bildirib.

News24.az “Qafqazinfo”ya istinadla xəbər verir ki, açıqlamada xaricdən qayıdan səyahətçilərdə yoluxma hallarının qeydə alındığı vurğulanıb.

Bundan əlavə, məlumatda ABŞ və Böyük Britaniya kimi ölkələrdə qızılcanın daha sürətlə yayılması qeyd olunub.

Bildirilib ki, uşaqların sağlamlığına sarsıdıcı təsir göstərən qızılca bəzi hallarda ölümcül nəticələrə gətirib çıxarır və uşaqların immun sistemlərinin zəifləməsinə səbəb olur, onları bir çox yoluxucu xəstəliklərə, o cümlədən pnevmoniyaya qarşı daha həssas edir.