Bu xərçənglərin təxminən 95%-i sağalır

Metastatik olan və standart müalicəyə cavab verməyən xüsusi lösemi, limfoma qruplarında istifadə üçün şişləri tanımaq, məhv etmək qabiliyyətinə malik yerli məhsulun hazırlanması üçün preklinik hüceyrə kulturası və heyvan tədqiqatları tamamlandı. Təxminən 100 faiz səmərəliliyinə nail olunub.

News24.az xəbər verir ki, məhsulun lösemi və lenfoma xəstələrində istifadəsi üçün Faza 1 adlanan klinik tədqiqatlar 6 ay ərzində başlayacaq.

Tekirdağ Namık Kamal Universiteti Tibb Fakültəsi Hematologiya kafedrasının müdiri Prof. Dr. Burhan Turqut, KKTC-də Hematoloji Nadir Xəstəliklər Dərnəyinin təşkil etdiyi Hematoloji Nadir Xəstəliklər Konqresində verdiyi açıqlamada hematoloji xərçəngin limfa toxuması və ya limfa sistemi xərçəngi olaraq təyin edildiyini söylədi.

Limfa sisteminin sümük iliyi, qaraciyər, dalaq və limfa düyünlərindəki bəzi ağ hüceyrə qruplarından ibarət olduğunu ifadə edən Turqut, bu sistemdəki orqanların ağ qan hüceyrələrinin olması səbəbiylə bədənin ən əhəmiyyətli müdafiə sistemini təşkil etdiyini vurğuladı.

Dərnəyin İdarə Heyətinin üzvü olan Turqut, limfa düyünləri xərçəngi adlanan lenfomaların ən çox görülən hematoloji xərçənglər olduğunu, ikinci yerdə lösemi və çoxlu miyelom növləri olduğunu bildirdi.

Turqut, diaqnoz və müalicədə qabaqcıl üsullar sayəsində artıq hematoloji xərçənglərin böyük ölçüdə müalicəsi mümkün olan xəstəliklər arasında olduğunu vurğuladı.

Son illərdə onkologiya sahəsində daha çox hematoloji xərçənglərin müalicəsində irəliləyişlərin olduğunu bildirən Turqut, xüsusilə immun sisteminin gücləndirilməsinə əsaslanan immunoterapiyalarda uğurlu nəticələr alınmağa başladığını açıqlayıb.

Xalq arasında "ağıllı dərmanlar" olaraq bilinən fərdi hədəflənmiş müalicələrin də çox təsirli olduğunu ifadə edən Turqut, "Xərçəngin növü və mərhələsindən asılı olaraq dəyişsə də, yenilikçi müalicələrdən istifadə edilən hematoloji xərçənglərdə 100%-ə qədər sağalma müşahidə edilir. Hematoloji xərçənglərin təxminən  95%-i sağalır" dedi.

Günel Məlikzadə