Apple-ın "Tesla" planı

Keçən həftələrdə məlum oldu ki, "Apple" on ildən artıqdır üzərində işlədiyi elektrikli avtomobil layihəsini ləğv edib. Bu məlumat ilə bütün gözlər avtomobil sənayesindəki texnologiya nəhəngində olsa da, bu gün yeni detallar ortaya çıxdı.

News24.az xəbər verir ki, "Apple" 2 min nəfərlik komandaya açıqlama verərək 2014-cü ildən bəri inkişaf etdirildiyi deyilən "Titan Project" kod adlı elektrik avtomobilini ləğv edib. İşə cəlb olunan mühəndislərin və layihəçi qrupunun müxtəlif layihələrə köçürüldüyü deyilsə də, təəssüf ki, bir sıra texniki mühəndislər işdən çıxarılıb.

Verilən məlumata görə, "Apple" ilk olaraq elektrikli avtomobillər istehsal etmək üçün "Mercedes-Benz" ilə əməkdaşlıq etməyə çalışıb. Bu məqsədlə oturan şirkətlər aylarla davam edən danışıqlarda irəliləyişə nail olub, sonra işə başlayıblar.

Lakin bir müddət sonra "Apple" bu işi "Mercedes" olmadan öz başlarına edə biləcəklərini düşünərək müqavilədən çıxdı.

Digər tərəfdən Apple-ın avtomobil istehsalı üçün "Ford" ilə də görüşdüyü bildirildi, lakin bunun üçün ilk görüşdən sonra tərəflər bir daha görüşmədi.

Mənbənin sözlərinə görə, "Apple Mercedes və Ford" ilə razılığa gələ bilmədikdən sonra avtomobil istehsalçısı almağı planlaşdırmağa başlayıb. Daha sonra şirkət Tesla-nın alınması üçün şirkətin baş direktoru İlon Maskla danışıqlar aparıb. Lakin Apple-ın baş direktoru Tim Kuk istəmədiyi üçün bu danışıqlar davam etdirilməyib. Bildirilir ki, daha sonra iki şirkət avtomobil akkumulyatoru almaq üçün yenidən masaya gəlib.

Günel Məlikzadə