Apple-ın kreslosu titrəyir
    • 7-03-2024, 22:40
    • 527

Apple-ın kreslosu titrəyir

"Apple" uzun illərdir ki, dünyanın ən dəyərli şirkətidir. "iPhone, iPad və Mac" kimi məhsulları ilə böyük rəğbət qazanan texnologiya nəhəngi yeni bir süni zəka tufanı ilə qarşı-qarşıyadır. Analitik Ming-Chi Kuonun fikrincə, Apple-ın süni intellekti gözləntiləri doğrultmasa, o, dünyanın ən dəyərlisi olmaya bilər.

News24.az xəbər verir ki, analitik Kuo 2024-cü il üçün "iPhone" tədarükü proqnozunu azaldıb. Əvvəlki təxmini 220-225 milyon civarında olan Kuo, indi bu il 200 milyon ədəd satış gözləyir. Bu, iPhone 16-nın yeni xüsusiyyətlər təqdim etməyəcəyi iddiasını əks etdirir.

"Apple" həmçinin iOS 18 ilə süni intellekt imkanları təklif etmək istəyir. O, Siri-yə A18-ə daxil ediləcək Neural Engine ilə böyük bir yeniləmə verməyi planlaşdırır. Bununla belə, Kuo qeyd etdi ki, Apple-ın məhsuldar süni intellekt xidmətləri əhəmiyyətli sürət qazanmalıdır.

“Apple” süni intellekt hərəkətində uğursuzluğa düçar olarsa, böyük itki ilə üzləşəcək. Microsoft və NVIDIA-nın izlədiyi ən dəyərli şirkətlərin siyahısı yenidən formalaşdırıla bilər.

Məsələn, "NVIDIA" süni intellektə və "DLSS" kimi texnologiyalara böyük sərmayə qoyur. Şirkət bir çox süni intellekt və maşın öyrənmə modellərini gücləndirən GPU və çip dizaynlarına malikdir.

Apple-ın yeni süni intellekt modelini WWDC 2024 sərgisində nümayiş etdirəcəyi gözlənilir. “Apple GPT” adlı chatbotun ilk olaraq iPhone 16 seriyası ilə paylanması gözlənilir. "Apple" bazardakı üstünlüyünü qorumaq üçün süni intellekt planlarını qətiyyətlə həyata keçirməlidir.

Günel Məlikzadə