Bakıda ər onunla cinsi əlaqəyə girməyən arvadını BELƏ CƏZALANDIRDI

Keçən ilin oktyabrında Bakının Suraxanı rayonunda boşandığı həyat yoldaşını öldürən Xətai rayon sakini, 1983-cü il təvəllüdlü Məmmədov Xosrov Elman oğlunun cinayət işi məhkəməyə göndərilib.

News24.az-ın məlumatına görə, 1985-ci il təvəllüdlü Məmmədova Əfsanə Fəxrəddin qızını çoxsaylı bıçaq xəsarətləri ilə qətlə yetirən X.Məmmədov barəsində Cinayət Məcəlləsinin 120.2.4-cü, yəni xüsusi amansızlıqla və ya ümumi təhlükəli üsulla adam öldürmə maddəsi ilə Suraxanı rayon Prokurorluğunda açılan cinayət işinin ibtidai istintaqı yekunlaşıb. İş Bakı Ağır Cinayətlər Məhkəməsinə göndərilib və hakim Cavid Hüseynovun sədrlik etdiyi kollegiya tərəfindən baxılacaq.

Qeyd edək ki, keçən ilin oktyabrında Xətai rayon sakini, 1983-cü il təvəllüdlü Xosrov Elman oğlu Məmmədov küçənin ortasında keçmiş həyat yoldaşı, Qaraçuxur qəsəbəsində yaşayan 33 yaşlı Əfsanə Fəxrəddin qızı Məmmədovanı bıçaqla qətlə yetirib.

X.Məmmədov ərazidə xidmət aparan polis əməkdaşları tərəfindən saxlanılaraq rayon prokurorluğuna təhvil verilib. İlkin dindirmələr zamanı qətlin motivi məlum olub.
 
Belə ki, Əfsanə Məmmədova ilə Xosrov Məmmədov bir müddətdir ki, boşanıblar, birgə nikahdan övladları da var. Ancaq boşansalar da Xosrov Əfsanədən əl çəkməyib və zorla onunla cinsi əlaqədə olmaq istəyib.

Elə bu səbəbdən də qadın Xətai rayon Prokuroluğuna və 37-ci Polis Bölməsinə şikayət edib. Xosrov isə bu şikayətdən əsəbləşərək keçmiş arvadını öldürmək qərarına gəlib və cibinə bıçaq qoyaraq niyyətini həyata keçirib.