Haitidə böhran

Haitinin paytaxtında dəstə zorakılığı və humanitar böhran artmaqda davam edir.

News24.az xəbər verir ki, Birləşmiş Millətlər Təşkilatının yardım təşkilatı UNICEF paytaxtda yeni doğulmuş körpələr və onların anaları üçün paylanması planlaşdırılan yardım materialları olan konteynerin talan edildiyini açıqlayıb.

UNICEF bildirib ki, qarət edilmiş konteynerdə analıq və yeni doğulmuş ləvazimatlarla yanaşı, “erkən uşaqlıq dövrü üçün lazım olan ləvazimatlar və su avadanlığı” da olub.

"Uşaqların həyatda qalması üçün lazım olan vəsaitlərin talanması dərhal dayandırılmalı və humanitar yardımların əlçatanlığına təminat verilməlidir. Dağılmış səhiyyə sistemi şəraitində uşaqların tibbi ləvazimatlardan məhrum edilməsi hüquqların pozulmasıdır", - Maes əlavə edib.

Qeyd edək ki, yanvardan Haitidə baş verən zorakılıqlar onsuz da çökməkdə olan səhiyyə sistemini daha da pisləşdirib.

Günel Məlikzadə