İnsanları qorxutmayın, Donbasa görə ölməyəcəyik!

Avropa Birliyi öz vətəndaşlarını Donbas uğrunda ölməyə göndərmək niyyətində deyil, ona görə də “insanları qorxutmağa” ehtiyac yoxdur.

News24.az Axar.az-a istinadla xəbər verir ki, bu sözləri Avropa diplomatiyasının rəhbəri Jozep Borrell Fransa Prezidenti Makronun Ukrayna ərazisinə hərbi personalın mümkün göndərilməsi ilə bağlı sözlərini şərh edərkən deyib.

“Biz müharibənin qaçılmaz olduğunu deməklə insanları qorxutmamalıyıq. Ukraynaya dəstək ehtiyacı qaçılmazdır. Söhbət Donbas uğrunda ölməkdən getmir, ukraynalılara kömək etməkdən gedir ki, onlar Donbas uğrunda və ya Kiyev bombalanarkən ölməsinlər”, - Borrell Brüsseldə sammitindən öncə bildirib.

Qeyd edək ki, Makron Qərb qoşunlarının Ukraynaya göndərilə biləcəyini istisna etməmişdi.