Orqanizmlərin qocalmasının səbəbi tapıldı

Yaşlanma ilə uzun genlərin funksiyası pisləşir ki, bu da sistemli qocalmanın əsas səbəbi ola bilər. 

News24.az Qaynarinfo-a istinadən xəbər verir ki, bunu "Trends in Genetics" jurnalında dərc olunan araşdırma göstərib.

Genlər, yəni DNT-nin müəyyən hissələri müxtəlif zülal molekullarının sintezindən məsuldur. Əvvəlki tədqiqatlar hansı genlərin qocalma prosesindən məsul olduğunu anlamağa çalışıb. Yeni iş göstərib ki, problem konkret genlərdə deyil, onlardan məlumatın oxunmasının pozulmasında ola bilər. Bu, uzun genlər vəziyyətində xüsusilə nəzərə çarpır.

Alimlər qurdlardan insanlara qədər müxtəlif növ heyvanlarda, eləcə də müxtəlif növ insan hüceyrə və toxumalarında və neyrodegenerativ xəstəlikləri olan insanlarda yaşla uzun genlərin aktivliyinin azalması müşahidə ediblər. Siçanlar üzərində aparılan təcrübələr göstərib ki, bu fenomen müxtəlif amillərlə, o cümlədən kalorilərin məhdudlaşdırılması ilə azaldıla bilər.

Araşdırmanın müəllifləri hesab edirlər ki, bu qanunauyğunluq heyvanların həyatı zamanı ultrabənövşəyi şüaların təsiri nəticəsində, hüceyrə bölünməsindəki səhvlər və digər amillər nəticəsində onların DNT-sinin zədələnməsi ilə bağlıdır. Bu vəziyyətdə uzun bir genin zədələnmə ehtimalı qısa genin zədələnmə ehtimalı daha yüksəkdir.