Avtovağzalda dava: Ölən və yaralananlar var

Şanlıurfa Şəhərlərarası Avtovağzalında dönər bıçağı, çubuq və silahdan istifadə edilən iki düşmən qrup arasında borc, alacaqlar üstündə çıxan davada Halil Deveci (43) həyatını itirib, 2-si polis olmaqla 10 nəfər yaralanıb.

News24.az xəbər verir ki, dava axşam saatlarında Şanlıurfanın Esentepe səmtindəki Şəhərlərarası Avtovağzalda baş verib. İddialara görə, avtobus şirkətinin ofisində əvvəllər debitor borcuna görə mübahisə edən iki qrup arasında mübahisə düşüb.

Baş verən mübahisə tezliklə kabab bıçağı, çubuq və tapançadan istifadə edilən davaya çevrilib. Hadisə sərnişinləri dəhşətə gətirib və təsadüfi atəş nəticəsində döyüş bölgəsinə çevrilib. Avtovağzal polisinin müdaxilə etdiyi davada 2-si polis olmaqla 10 nəfər bədənlərinin müxtəlif yerlərindən yaralanıb.

Dava xəbəri üzərinə hadisə yerinə çoxlu tibb və polis qrupları sövq edilib. Hadisə yerinə gələn polis qrupları bölgədə geniş təhlükəsizlik tədbirləri görərkən, yaralılar sağlamlıq qruplarının ilk müdaxiləsinin ardından Mehmet Akif İnan Təhsil və Araşdırma Xəstəxanasına aparılıb.

Müalicə altına alınan yaralılardan biri Halil Devecinin həyatını itirdiyi, digər yaralıların müalicəsinin davam etdiyi öyrənilib. 

Polis qrupları avtovağzal və xəstəxana ətrafında geniş təhlükəsizlik tədbirləri aldı. Dava anı təhlükəsizlik kamerasına düşərkən, hadisə ilə bağlı araşdırma başladılıb.

Günel Məlikzadə