Sevgini tapmaq üçün 5 kiçik dəyişiklik

Xəyallarınızdakı əlaqəni yaratmaq üçün edə biləcəyiniz ən güclü şey özünüzə fokuslanmaqdır. Çünki siz dəyişməyincə heç nə dəyişməyəcək. 

News24.az xəbər verir ki, daxili dəyişikliyi tamamlamaq avtomatik olaraq həyatınızda, xüsusən də sevgi həyatınızda dəyişikliklərə səbəb olur. Arzuladığınız münasibətə ancaq özünüzü ola biləcəyiniz ən cazibədar və sevgi dolu insan olmağa həsr etdiyiniz zaman sahib ola bilərsiniz. 

Sevgini tapmaq istəyirsinizsə, etməli olduğunuz kiçik, lakin vacib dəyişikliklər bunlardır:

1- Özünüzü sevməyi öyrənin

Sizi olduğunuz kimi göstərən bütün cəhətləri əhatə etməmək, özünüzə inamsızlığa səbəb ola bilər. Unutmayın ki, əgər özünüzü sevmirsinizsə və ya özünüzü sevgiyə layiq görmürsünüzsə, qarşınızdakından bunu gözləmək mümkün deyil.

2- Tənqiddən təqdirə keçid

Tənqid etmək günü-gündən vərdişə çevrilən bir hadisədir. Özünüzü və ya başqalarını tənqid etmək əvəzinə müsbət vərdiş qazanın. Yuxudan oyandığınız andan özünüzü və ətrafınızdakıları qiymətləndirin. Həyatınızdakı müsbət dəyişikliyi görəcəksiniz.

3- Yaradıcılığı kəşf edin

Yaradıcılıq insanlar üçün son dərəcə vacibdir. Çünki insanlar yaradıcılığı yetişdirməyə vaxt ayırmayanda istər-istəməz narazılıq və bədbəxtlik hiss edirlər. Bu, sizə ən yaxın olanları günahlandırmanıza səbəb ola bilər. Bunun əvəzinə hər gün yaradıcı tərəfinizi tapmaq üçün 10 dəqiqə sərf edin.

4- Həqiqi hisslərinizi ifadə edin

İkitərəfli münasibətlərdə dürüstlük və aydınlıq çox önəmlidir. Sizi narahat edən bir məsələni ifadə edərkən sadə cümlələrlə aydın olmaq həm sizin, həm də qarşı tərəfin özünü daha rahat hiss etməsinə səbəb olacaq.

5- Münasibətinizi əyləncəli və sadə tutun

Bir əlaqəyə başladıqda və ya davam edən bir əlaqədə hər şeyi dərhal öyrənməyə çalışmaq və problemlər üzərində dayanmaq zamanla aranızdakı yaxınlığı məhv edəcək. Bunun əvəzinə zövq almağa çalışın.

Günel Məlikzadə