ABŞ və Çin münasibətlərində həyəcan təbili çalır

ABŞ dövlət katibi Antoni Blinken iki supergüc olan ABŞ və Çin arasında ticarət, siyasi fikir ayrılıqlarını həll etmək üçün Pekində çinli həmkarı Vanq Yi ilə görüşüb.

News24.az xəbər verir ki, görüşdən sonra Çinin xarici işlər naziri Vanq Yi ABŞ-ın Çinin inkişafını boğduğunu bildirib.

İkisi açılış sessiyasına hazırlaşarkən, Wang Blinkenə Çin-ABŞ münasibətlərinin "nəhəng gəmisinin" sabitləşdiyini, "lakin münasibətlərdəki mənfi amillərin hələ də artmaqda davam etdiyini" söyləyib.

Qeyd edək ki, çıxışında Çinin iqtisadi inkişafının sıxışdırıldığını vurğulayan Vanq, "ABŞ və Çin münasibətləri hər cür pozulmalarla üz-üzədir. Çinin qanuni inkişaf haqqı əsassız yerə sıxışdırılıb və əsas maraqlarımız çətinliklərlə üzləşib" deyib.

Blinken isə prezident Co Bayden və prezident Si Jinpingin noyabr ayında San-Fransiskoda görüşdükləri zaman təyin etdikləri gündəmə uyğun irəliləmək üçün "aktiv diplomatiyanın" zəruri olduğunu bildirib.

"Bizim qərarımızda üz-üzə diplomatiyanın əvəzi yoxdur" deyən Blinken, ən azı anlaşılmazlıqların qarşısını almaq üçün fikir ayrılıqlarının olduğu sahələr haqqında mümkün qədər aydınlıq gətirmək istədiyini söyləyib.

Günel Məlikzadə