Dilan Polat həbsxanada əsəb böhranı keçirdi

Çirkli pulların yuyulması ittihamı ilə başladılan istintaq zamanı saxlanılan sosial media fenomeni Dilan Polat həbsxanada əsəb böhranı keçirərək özünə zərər verib.

News24.az xəbər verir ki, 6 aydır həbsdə olan Dilan Polat haqqında Banu Parlakın iş yerinin vurulması və qonşuları ilə davası da daxil olmaqla bir çox istintaq başladılıb.

Dilan Polat saxlanıldığı Mərmərə Həbsxanasında əsəb böhranı (sinir krizi) keçirib.

Bədənində kəsiklər və əziklər olan Dilan Polatın müalicəsi həbsxanada aparılıb.

Vəkili Hüseyn Kaya bildirib ki, hazırda Polatın səhhəti yaxşıdır.

Kaya Dilan Polatın psixoloji durumunun pis olduğunu və onun xəstəxanaya göndərilməsi ehtimalının olduğunu qeyd edib.

Günel Məlikzadə