Rusiya və Çindən Ay layihəsi

Rusiyanın RİA xəbər agentliyinin xəbərinə görə, Rusiya və Çin kosmosda tərəfdaşlıqlarını inkişaf etdirmək qərarına gəliblər.

Xəbərə görə, Rusiya Çinlə birgə Ay stansiyası üçün nüvə enerjisi ilə işləyən qurğu hazırlamağa başlayıb.

RUSİYA KOSMOS AGENTLİYİ AÇIQLADI

News24.az xəbər verir ki, Rusiya Kosmik Agentliyinin (Roskosmos) prezidenti Yuriy Borisov daha əvvəl bəyan edib ki, Rusiya və Çin 2033-2035-ci illər arasında Ayda nüvə enerjisi vahidi yaratmağı planlaşdırırlar.

Borisov Rusiya və Çinin Ay proqramı üzərində birgə işlədiyini, Moskvanın "nüvə kosmik enerji" sahəsindəki təcrübəsi ilə bu layihəyə töhfə verə biləcəyini bildirib.

Rusiya və Çin mütəxəssisləri iddia ediblər ki, günəş enerjisi Ayda daimi baza yaratmaq üçün kifayət etməyəcək, ona görə də nüvə stansiyalarına yol açılmalıdır.

ÇİNİN AY MİSSİYASI

Çin bu yaxınlarda Ayın qaranlıq tərəfini öyrənmək üçün təxminən iki aylıq bir missiya üçün Aya enəcək ekipajsız kosmik gəmi buraxıb.

"Chang'e-6" adlı missiya Çini Ayın "qaranlıq" tərəfini nümunə götürən ilk ölkə edə bilər.

Günel Məlikzadə