Qol vursa belə, kubok qazanmadı

İngiltərə Premyer Liqa komandalarından biri olan "Tottenhem"də qazandığı kuboksuz illərdən sonra "Bavariya"ya keçən Harri Keyn bədbəxtliyini özü ilə gətirib.

News24.az xəbər verir ki, 95 milyon avroya Bavariya komandasına transfer olunan Keyn karyerasında 14-cü mövsümünü kuboksuz başa vurub.

Almaniya Superkubokunda "Leyptsiq"lə mübarizədən kənarlaşdırılan "Bavariya" Almaniya kubokunun ikinci mərhələsində 3-cü liqa təmsilçisi "Saarbrücken"lə mübarizədən kənarlaşdırılaraq turnirlə vidalaşıb.

12 İLDƏN SONRA İLK DƏFƏ

Digər tərəfdən, Bundesliqada çempionluğunu elan edən Bayer Leverkuzendən 15 xal geri qalan Bavariya komandası 12 ildən sonra ilk dəfə bir mövsümü kuboksuz başa vuracaq.

“Bavariya” sonuncu dəfə UEFA Çempionlar Liqasının yarımfinalında İspaniya təmsilçisi “Real Madrid”ə məğlub olub.

Harri Keynin karyerasında uduzduğu finallar belədir:

İngiltərə Liqa Kubokunun finalında 2014-15-də "Çelsi"yə və 2020-21-də "Mançester Siti"yə uduzublar.

2018-19 mövsümünün finalında UEFA Çempionlar Liqasında "Liverpul"a uduzub.

2016-17 mövsümündə Premyer Liqada 2-ci yeri tutdular və kuboka çıxa bilmədilər.

O, İngiltərə millisi ilə AVRO-2020 finalında İtaliyaya uduzub.

QOL KRALLIĞINDA ZİRVƏDƏ

Bu mövsüm Bayern Münhen ilə liqada 36-cı qolunu vuran Harri Keyn iki həftə qalmış ən çox qol vuranlar siyahısında birinci yerdədir.

Qeyd olunub ki, ingilis futbolçu daha 5 qol vursa, Levandovskinin 41 qol rekorduna şərik olacaq.

Günel Məlikzadə