Piramidalarda yeni sirr

Tədqiqatçılar Gizadakı Qərb qəbiristanlığının altında aşkar edilməmiş hər hansı bir şeyin basdırılıb basdırılmadığını görmək üçün radar kimi yeni vasitələrdən istifadə edərək bölgəni araşdırıblar.

News24.az xəbər verir ki, tədqiqatçılar 4500 illik Böyük Piramidanın yaxınlığındakı kral məzarlığının altında biri dayaz, digəri dərin olan bir cüt yeraltı tikili aşkar ediblər.

Arxeoloqlar bu strukturları anomaliya kimi təsvir ediblər. Çünki onların sıxlığı ətrafdakı torpaqdan fərqli olub. Onlar konstruksiyaların formasına görə süni olduğuna inanır və tikintidən sonra doldurulduğundan şübhələnirlər.

QƏRB QƏBİRSTANLIĞINDA SIR

Gizadakı Qərb qəbiristanlığı kral ailəsi üzvlərinin və yüksək səviyyəli zabitlərin mühüm dəfn yeri kimi tanınır.

Yerə nüfuz edən radar və elektrik müqavimətli tomoqrafiyadan istifadə edilən ilkin iş "qazıntı sahəsinin şimalında anomaliya" aşkar edib.

Anomaliyanın yerləşdiyi ərazi təxminən müəyyən edilib, lakin onun struktur xüsusiyyətləri və yeri qeyri-müəyyən olaraq qalır.

Eni 10 metr, uzunluğu 15 metr olan dayaz strukturun dərinliyi 2 metrdən də azdır.

Günel Məlikzadə