"Ethereum" üçün təsdiq gəldi - Qiymət artacaq?

ABŞ Ethereum ETF-ni təsdiqləyib.

News24.az xəbər verir ki, ABŞ Qiymətli Kağızlar və Birja Komissiyası (SEC) bu yaxınlarda gözlənilməz bir addım atıb. Bitcoin ETF-dən sonra səkkiz Ethereum ETF-ni təsdiqlədiyini açıqlayıb. Bu o deməkdir ki, kriptovalyutalar ABŞ-da daha geniş yayılacaq.

SEC, cəmi səkkiz spot Ethereum ETF-ni təsdiqlədiyini açıqlayıb. Təsdiqlənmiş şirkətlərə BlackRock, Fidelity, Grayscale, Bitwise, VanEck, Ark Invest, Invesco və Franklin Templeton kimi sənaye nəhəngləri daxildir.

Bu, kriptovalyuta ETF-ləri üçün vacib bir mərhələ olsa da, fondların dərhal ticarətə başlamayacağını qeyd etmək lazımdır. Təsdiq alan brendlər SEC tərəfindən qeydiyyat bəyanatlarının verilməsini gözləməlidirlər. Qeyd edək ki, SEC ilə brendlər arasında danışıqlar davam edir.

SEC-in bu hesabatları nəzərdən keçirdiyini fərz etsək, Ethereum ETF-lərinin işə salınması həftələr çəkə bilər. Məsələn, bir analitik müsahibəsində deyib: "Məncə, çox çalışsalar, bir neçə həftəyə tamamlana bilər, lakin tarixən bu prosesin 3 ay çəkdiyinə dair çoxlu nümunələr var".

Onu da bildirək ki, Ethereum ETF Bitcoin-in yaratdığı həyəcanı davam etdirə bilər. İndiyədək Bitcoin ETF-lərinə 14 milyard dollardan çox vəsait xərcləndiyi deyilib. Bu kontekstdə ilk bir neçə ildə Ethereum fondlarına 5-8 milyard dollar ödənilə biləcəyi təxmin edilir.

Bu qərar kriptovalyuta bazarının böyüməsinə və Ethereum-un bahalaşmasına da səbəb ola bilər. Uzunmüddətli nəticələrini zamanla görəcəyik.

Qeyd: Bu xəbər investisiya məsləhəti deyil. Yalnız məlumat məqsədi ilə yazılıb.

Günel Məlikzadə