Xarici dilinizi təkmilləşdirməyin asan yolları

Yeni bir dil öyrənmək olduqca çətin ola bilər. Fərqli qrammatika qaydaları, yeni sözlər, tələffüz fərqləri və ya bir çox başqa amillər dil öyrənərkən sizə problem yarada bilər. Yeni dil öyrənərkən işinizi asanlaşdıracaq bu yolları mütləq sınayın.

News24.az xəbər verir ki, çox şablon bir üsul kimi görünə bilər, lakin yeni bir dil öyrənərkən filmlərə baxmaq çox təsirli ola bilər. Xüsusilə hədəf dildə öyrəndiklərinizi altyazılar etməklə möhkəmləndirə bilərsiniz. İzləyərkən öyrəndiyiniz yeni söz və ifadələri qeyd etməyi unutmayın.

• Sizinlə eyni dili öyrənmək və tətbiq etmək istəyən insanlar varsa, onları tapın və tədbirlər təşkil edin. Sizinlə eyni məqsədi paylaşan insanlarla hədəf dildə söhbət edə və nitq bacarıqlarınızı inkişaf etdirə bilərsiniz.
• İnternetdə yeni bir dil öyrənərkən istifadə edə biləcəyiniz bir çox resurs var. İstər YouTube kanalını izləyin, istərsə də xarici dil proqramı yükləyin. Əgər kifayət qədər diqqətlə baxsanız, internet istədiyiniz hər şeyi öyrənə biləcəyiniz sehrli bir yer ola bilər.
• Yeni dil öyrənmək üçün mütləq kurslara getməyə və ya özəl müəllimlərə ehtiyacınız yoxdur. Özünüzə kiçik tapşırıqlar verərək dilinizi təkmilləşdirmək üçün addımlar atın. Nə öyrənmək istədiyinizi və ya ən çox nəyə ehtiyac duyduğunuzu ən yaxşı siz bilirsiniz.
• Təsəvvür edin ki, restorandasınız və yaratdığınız ssenari əsasında hədəf dildə dialoq yaradın. Qarşınızda heç kim olmaya bilər, ancaq bu, özünüzü daha asan ifadə etməyinizə kömək edəcək və ilk növbədə özünüzə güvən verəcək.
• Qrammatika qaydaları yeni bir dil öyrənərkən qorxuducu ola bilər. Bu dilin sadə sözlərini öyrənməklə başlamaq sizi motivasiya edəcəkdir. Gündəlik həyatda rastlaşdığınız obyektləri öyrənməklə lüğətinizi genişləndirməyə başlayın.
• Yeni dil öyrənməyə başlayanların ən böyük problemi adətən səhv etmək qorxusudur. İş ondadır ki, dili tam öyrənmək və mənimsəmək mümkün deyil. Ana dilinizdə belə bilmədiyin sözlər və yeni öyrəndiyiniz ifadələr ola bilər. Buna görə özünüzə səhv etmək üçün icazə verin.
• Özünüzə niyə yeni bir dil öyrənmək istədiyinizi daim xatırladın. Təhsilinizi təkmilləşdirmək, öz peşənizdə daha bacarıqlı olmaq və ya sadəcə hobbi kimi... Məqsədinizə nə qədər çox inanırsınızsa, o dili öyrənməyə bir o qədər motivasiya olacaqsınız.

Günel Məlikzadə