"Call of Duty Black Ops 6" təqdim edildi

Xbox Showcase 2024 sərgisində Microsoft oyun dünyasını həyəcanlandıran bir sıra yeni oyunlar və yeni konsollar təqdim edib.

News24.az xəbər verir ki, bu il çıxacaq Call of Duty seriyasının növbəti versiyası Black Ops 6 artıq böyük müzakirələrə səbəb olub. Microsoft bu oyunun yalnız onlayn oynaya biləcəyini açıqlayıb.

Activision Blizzard studiyalarından Treyarch və Raven Software tərtibatçıları oyunun 1990-cı illərin əvvəllərində baş verən ssenari bölməsindən qısa videolar təqdim ediblər.

Həmçinin oyunçulara bütün istiqamətlərdə sprint etməyə imkan verən yeni hərəkət sisteminin və pərəstişkarların sevimli “Zombi” rejiminin önizləməsi də var idi.

Digər tərəfdən, Call of Duty Black Ops 6-nın satışa çıxarılacağı gün, 25 oktyabr 2024-cü ildə Xbox Game Pass abunəçilərinə təqdim ediləcəyi qeyd edilib.

Tədbirdə çoxdan gözlənilən Doom seriyasının son oyunu olan Doom: The Dark Ages və Xbox-ın ən populyar oyunlarından biri olan Gears of War da oyunçulara təqdim edilib.

Bu oyunlar həm də satışa çıxarıldığı gün Xbox Game Pass-da olacaq. Bu, Microsoft-un abunə xidmətinə böyük sərmayə qoyduğunu və iqtisadi çətinliklərlə mübarizə aparan istehlakçıları cəlb etməyə çalışdığını göstərir.

XBOX SHOWCASE 2024-DƏ TƏQDİM EDİLMİŞ OYUNLAR

• Doom: The Dark Ages
• State of Decay 3
• Indiana Jones and the Great Circle
• Perfect Dark
• South of Midnight
• Starfield: Shattered Space
• Assassin’s Creed Shadows
• Dragon Age: The Veilguard
• Metal Gear Solid: Snake Eater
• Clair Obscur: Expedition 33
• Atomfall
• Winter Burrow

Günel Məlikzadə