Tarixi görüş: Ərdoğan 18 ildən sonra CHP-nin Baş qərargahında

Türkiyə Prezidenti Rəcəb Tayyib Ərdoğan bu gün Cümhuriyyət Xalq Partiyasının (CHP) Baş qərargahına gedib.

News24.az Musavat.com-a istinadən xəbər verir ki, Ərdoğanın səfəri öncəsi CHP Baş qərargahında yüksək səviyyədə təhlükəsizlik tədbirləri görülüb.

Məlumata görə, hazırda Türkiyə lideri CHP sədri Özgür Özellə görüş keçirir.

Görüş zamanı daxili və xarici siyasətə dair bir sıra məsələnin müzakirə ediləcəyi nəzərdə tutulub.

Qeyd edək ki, bu, Ərdoğanın 18 ildən sonra CHP-nin Baş qərargahına ilk səfəridir.

Xatırladaq ki, Ərdoğanla Özgür Özel arasında ilk görüş mayın 2-də AKP-nin Baş qərargahında keçirilib.