Boeing-ə 24 milyard dollarlıq təzminat

Aviasiya nəhəngi Boeing-in 737 MAX təyyarələrinin iştirak etdiyi təyyarə qəzaları daim gündəmdədir. 2018 və 2019-cu illərdə 346 nəfərin ölümü ilə nəticələnən iki təyyarə qəzasından sonra həlak olanların ailələri təxminən 25 milyard dollar təzminat tələb ediblər.

News24.az xəbər verir ki, son illərdə iki ölümlə nəticələnən Boeing 737 MAX qəzasının qurbanlarının ailələri Ədliyyə Departamentindən təyyarə istehsalçısından təqribən 24,78 milyard dollar cərimə tələb etməyi və cinayət təqibini davam etdirməyi xahiş ediblər.

Qəzada iştirak edən 15 ailəni təmsil edən vəkil Pol Kassel Ədliyyə Departamentinə yazdığı məktubda “Boeing-in cinayəti ABŞ tarixində ən ölümcül korporativ cinayət olduğuna görə, 24 milyard dollardan çox cərimə qanuni cəhətdən əsaslandırılmış və aydın şəkildə uyğundur” dedi.

Yanvar ayında Alyaska Hava Yolları reysi zamanı 737 Max 9-un təcili çıxış qapısı partladıqdan sonra Boeing istehsal qüsuru ilə bağlı bir sıra araşdırmalarla üzləşdi.

Günel Məlikzadə