Türkiyə - Portuqaliya matçı - Mümkün 11-i

Futbol üzrə 2024-cü il Avropa Çempionatının F qrupunun ikinci oyununda Türkiyə Milli Komandası qrupunda liderliyini qorumaq üçün Portuqaliyaya qalib gəlməyə çalışacaq. İlk həftə matçlarında Gürcüstanı məğlub edərək liderlik kürsüsünə çıxan Milli Komanda, güclü Portuqaliyaya qalib gələrək AVRO-2024 qruplarında rahat nəfəs almaq istəyir. 

News24.az xəbər verir ki, Türkiyə Milli Futbol Komandası 2024-cü il Avropa Çempionatında (AVRO 2024) ikinci matçını 22 iyul 2024-cü il, şənbə günü Portuqaliyaya qarşı keçirəcək.

BVB Dortmund stadionunda keçiriləcək qarşılaşma saat 20.00-da başlayacaq. Futbol TRT 1-də canlı yayımlanacaq.

Türkiyə A Milli Futbol Komandasının baş məşqçisi Vincenzo Montellanın meydana çıxmağı planlaşdırdığı mümkün 11-lik belədir;

Mert Günok, Mert Müldür, Samet Akaydin, Abdülkerim Bardakçı, Ferdi Kadıoğlu, Kaan Ayhan, Salih Özcan, Hakan Çalhanoğlu, Kenan Yıldız, Arda Güler, Barış Alper Yılmaz.

Qrupdakı ilk oyununda Gürcüstanı 3:1 hesabı ilə məğlub edən aypara-ulduzlu komanda Portuqaliyaya qalib gələrək, 2-yə 2-yə yüksəlməyi hədəfləyir.

Qeyd edək ki, Portuqaliya da ilk oyununda Çexiyanı əlavə vaxtda vurduğu qolla 2:1 hesabı ilə məğlub edib.

İkinci matçlar öncəsi millimiz top fərqinə görə Portuqaliyaya öndədir.

Qrupun digər oyununda Gürcüstan və Çexiya milliləri üz-üzə gələcək. Hamburqda oynanılacaq qarşılaşma Bakı vaxtı ilə saat 16.00-da başlayacaq.

Günel Məlikzadə