Britaniya kralının bacısı yaralandı

Britaniya kralı Çarlzın bacısı Şahzadə Anna malikanəsində xəsarət alıb.

News24.az Modern.az-a istinadən xəbər verir ki, bu barədə Bukingem sarayının verdiyi məlumatda deyilir.

Məlumata görə, şahzadə Anna Royal Qlosterşirdəki malikanəsində yaralandıqdan sonra xəstəxanaya aparılıb. Sarayın açıqlamasında deyilir ki, 73 yaşlı şahzadə Anna malikanəsində "insidentdən sonra yüngül xəsarətlər və beyin sarsıntısı keçirib".

Bukingem Sarayı şahzadənin ehtiyat tədbiri olaraq Bristoldakı Southmead Xəstəxanasında müşahidə altında qaldığını bildirib. Onun tam və sürətli sağalması gözlənilir.

Şahzadə Anna Böyük Britaniya kralı III Çarlzın yeganə bacısıdır. Şahzadə Anne doğulanda taxt-tac üçün üçüncü idi, lakin indi 16-cıdır.