Nazir köməkçisi İsrailə görə istefa verdi

ABŞ Daxili İşlər Nazirliyinin vəzifəli şəxsi Məryəm Həsəneyn hökumətin İsrailə verdiyi dəstəyə görə istefa ərizəsi yazıb.

News24.az Teleqraf.com-a istinadla xəbər verir ki, M.Həsəneyn ABŞ-nin İsraili dəstəklədiyinə görə istefa verdiyini deyib:

"Bir müsəlman amerikalı olaraq, İsrailin fələstinlilərə qarşı soyqırımına dəstək verən bir dövlətin orqanında işləyə bilmərəm. Mən Bayden hökumətinə ədalətə ümid etdiyim üçün qatılmışdım. Ancaq administrasiya fələstinlilərə qarşı mübarizəyə dəstək verdi. 37 mindən çox fələstinlinin öldürülməsi və milyonlarla dinc insanın aclıq içərisində yaşaması məni bu addımı atmağa vadar etdi. Təcili olaraq Fələstinlilər üçün azadlıq və ədalət tələb edirəm. Mənim bildiyim yeganə yol, tutduğum vəzifəni tərk etmək idi. “