Meyvə və tərəvəzləri necə yumaq lazımdır?

Meyvə və tərəvəzləri adi su ilə yumaq xəstəlik riskini artırır. Çünki belə su bu məhsullarda olan pestisidləri və digər təhlükəli kimyəvi maddələri təmizləmək üçün kifayət deyil. 

News24.az xəbər verir ki, mütəxəssislər meyvə və tərəvəzləri təmiz suda düzgün saxlayaraq istehlak etməyini tövsiyə edirlər.

Bəziləri onu sadəcə suda saxlayıb çıxarır, bəziləri isə heç yuymadan yeyir. Meyvə və tərəvəzlərin düzgün yuyulmaması xəstəliklərə qapı açır. Təəssüf ki, istehsal mərhələsində istifadə olunan pestisidlərin qalıqları meyvə və tərəvəzlə birlikdə  istehlak edilir.

Bundan tamamilə xilas olmaq mümkün deyil, lakin məhsulların düzgün yuyulması bu riski azalda bilər. Minerallar və vitaminlərlə zəngin olan meyvə və tərəvəzlər düzgün yuyulmadıqda sağlamlıq problemlərinə səbəb ola bilər.

Buna görə də tərəvəz və meyvələri kran suyu ilə deyil, təmiz su ilə yumaq vacibdir. Təmizləmə zamanı vaxt da vacibdir. Xüsusilə torpaqdan böyüyən bitkilər daha uzun müddət suda saxlanılmalıdır. Meyvələr 5-10 dəqiqədən çox suda saxlanılmamalıdır. Torpaqdan yetişdirilən bitkilər daha uzun müddət qala bilər, lakin tərəvəzlər çox uzun müddət saxlanılarsa, faydasını itirə bilər. Meyvə və tərəvəzlərin düzgün yuyulmaması  bağırsaq problemlərindən tutmuş infeksiyalara qədər bir çox xəstəliyə səbəb ola bilər. Ona görə də onu təmiz su ilə yumaq daha sərfəlidir.

Məryəm