Bayden və Netanyahu Ağ Evdə görüşəcək

ABŞ prezidenti Co Bayden və İsrailin baş naziri Benyamin Netanyahu gələn həftə Vaşinqtonda görüşəcək.

News24.az xəbər verir ki, Netanyahunun Konqresdəki çıxışından bir neçə gün əvvəl baş tutacaq görüş, Baydenin oktyabrda HƏMAS-ın Əqsa tufanı əməliyyatından sonra İsrailə səfərindən sonra ilk görüşü olacaq.

Netanyahu Ağ Evə sonuncu dəfə 2022-ci ilin dekabrında yenidən vəzifəyə gələndə səfər edib.

Bildirək ki, Bayden keçən ay İsrail və Həmas arasında davam edən atəşkəs danışıqları üçün hər iki tərəfə təklif təqdim edib.

Lakin İsrail ordusunun Qəzza zolağında davam edən hücumları səbəbindən atəşkəs ehtimalı dalana dirənib.

Bir gün əvvəl İsrail ordusunun Əl-Məvasi bölgəsində həyata keçirdiyi hücumda azı 90 nəfər ölüb, 300 nəfər yaralanıb.

Hücumdan sonra HƏMAS lideri İsmayıl Haniyə verdiyi açıqlamada Netanyahunun Qəzzada atəşkəs və əsir mübadiləsi razılaşmasının əldə olunmasına maneələr yaratdığını bildirib.

Günel Məlikzadə