Köməksiz vəziyyətdə qalan vətəndaşla bağlı RƏSMİ AÇIQLAMA

Bakının Bayıl qəsəbəsində ağaclıq ərazidə yaşayan vətəndaş köməksiz vəziyyətdədir.

News24.az Oxu.Az-a istinadən xəbər verir ki, bu barədə sosial şəbəkələrdə məlumat paylaşılıb.

Məlumatda vətəndaşın səhhətində ciddi problemləri olduğu vurğulanıb.

Qeyd olunub ki, ətrafdakı şəxslər və aidiyyəti qurumlardan gələn nümayəndələr ondan pis qoxu gəldiyi üçün ona kömək edə bilməyəcəklərini bildiriblər.

Məsələ ilə bağlı Daxili İşlər Nazirliyinin mətbuat xidmətindən Oxu.Az-ın sorğusuna cavab olaraq bildirildi ki, həmin şəxsin yeri müəyyən edilib:

"Polis əməkdaşları tərəfindən onun qısa zamanda sığınacağa yerləşdirilməsi təmin olunacaq".

Məsələ ilə bağlı həm də Sosial Xidmətlər Agentliyinin İctimaiyyətlə əlaqələr şöbəsindən Oxu.Az-a bildirildi ki, məsələ araşdırılacaq və gün ərzində məlumat veriləcək.