İnsan bədəninin ən "kök" orqanının adı açıqlandı

"Beyin insan orqanizminin ən kök orqanıdır". 

News24.az xəbər verir ki, bu barədə Gazeta.Ru-ya geriatr, tibb elmləri doktoru, professor, “Dementia.net” sosial layihəsinin eksperti Kirill Proşçayev bildirib.

“Həqiqətən, beynin təxminən 75%-i sudur. Amma onu su istisna olmaqla quru maddə əsasında hesablasaq, beyinin 80% yağ olduğu ortaya çıxır. Ona görə də yağları qida rasionundan xaric edən insanlar səhv hərəkət edirlər. Yağ çatışmazlığı olanda beynin işləməsi çətinləşir”, - deyə həkim bildirib.

Onun sözlərinə görə, beyni qidalandırmaq üçün orqanizmə xüsusilə faydalı çoxlu doymamış yağ turşuları verilməlidir.

Bundan əlavə, mütəxəssisin fikrincə, beynin effektiv işləməsi üçün şəkərə də ehtiyac var. İstehlak etdiyimiz qlükozanın təxminən 25%-i bədəndə müxtəlif prosesləri idarə etmək və neyrotransmitterlər istehsal etmək üçün beyinə lazımdır.

“Şəkər beyin üçün enerjidir, ona görə də “şəkər ağ ölümdür” ifadəsi tamamilə yanlışdır. Beynin qlükoza ehtiyacı var! Amma bu, təbii ki, o demək deyil ki, biz şəkər yeməliyik. Tərkibində şəkər olan qidaları (banan, bal və s.) qida rasionunuza daxil etmək vacibdir, lakin onu aşmamaq lazımdır. Fövqəladə hallarda, beyniniz həddindən artıq məlumat yükündən "donduqda" və hələ də işləmək lazım olduqda, bir parça şokolad və ya dadlı konfet zərər verməyəcək, əksinə, kömək edəcək", - deyə həkim sözlərini yekunlaşdırıb.

Məryəm İlhamqızı