Qonşusuna əmanət etdiyi körpəsi öldü

ABŞ-ın Arizona ştatında polis 6 aylıq bir körpənin avtomobilin arxa oturacağında təxminən 7 saat təhlükəsizlik kəmərinə bağlı qalaraq öldüyünü açıqlayıb.

News24.az xəbər verir ki, uşağın anası qonşusundan 6 aylıq körpəsini Preskott Vadisinə aparmasını istəyib. Qayıdarkən körpə qonşunun avtomobilinin arxa oturacağında yatıb.

Bildirilib ki, qonşu saat 14:00 radələrində evə gəlib, maşını qızmar günəş altında saxlayıb və körpəni maşında unutduğunu iddia edərək evə daxil olub.

Körpənin atası saat 8:45 radələrində anaya zəng edərək qonşunun körpəni nə vaxt ona gətirəcəyini soruşub.

Hələ işdə olan ana qonşuya zəng edir. Qonşu körpəni maşında unutduğunu o zaman fərqinə varıb.

Polis hadisə ilə bağlı açıqlamasında ana, ata və qonşunun saxlanıldığını və istintaqın davam etdiyini bildirib.

Günel Məlikzadə