Süni intellekt dəstəkli boyunbağı

Geyilə bilən cihazlar dünyasında inqilab edəcək yeni məhsul buraxılır. "Dost" adlı süni intellektlə işləyən boyunbağı istifadəçilərinin həyatlarını dinləyir və daim açıq mikrofondan istifadə edərək onlara cavab verir.

News24.az xəbər verir ki, tənhalıqla mübarizə aparmağı hədəfləyən cihaz, istifadəçilərinə bənzərsiz bir süni intellekt təcrübəsi təqdim etməyi vəd edir.

Süni intellektlə dəstəklənən boyunbağı ənənəvi mobil və kompüter əsaslı köməkçilərdən kənara çıxıb. İstifadəçilərin boyunlarına asa biləcəkləri formada hazırlanıb.

Qeyd edək ki, dost telefon vasitəsilə istifadəçinin dediklərinə qulaq asan, cavab verən və təkliflər verən dost kimi fəaliyyət göstərir. Bununla belə, cihazın heç bir kamerası yoxdur.

Bu Dost 2025-ci ilin yanvar ayından etibarən 99 dollar qiymət etiketi ilə satışa çıxarılacaq. Süni intellektin gücündən istifadə edərək, bu yeni geyilə bilən cihaz texnologiya və sosial qarşılıqlı əlaqəni birləşdirən innovativ addım kimi seçilir.

Günel Məlikzadə