Rusiya: Ukrayna 300 əsgəri ilə hücum etdi

Rusiya Müdafiə Nazirliyi Ukrayna ordusunun avqustun 6-da sərhəd qoşunlarına hücuma keçdiyini açıqlayıb.

News24.az xəbər verir ki, Nazirlikdən verilən açıqlamada, “Moskva vaxtı ilə saat 08:00-da Ukrayna Silahlı Qüvvələrinin 22-ci mexanikləşdirilmiş briqadasının 300-ə yaxın əsgəri 11 tank və 20-dən çox zirehli döyüş maşınının dəstəyi ilə Nikolayevo-Daryino və Kursk ərazilərinə hücum edib. Rusiya-Ukrayna sərhədinə birbaşa bitişik olan bölgə, Rusiya Federasiyasının dövlət sərhədini qoruyan qoşunların Oleşnya yaşayış məntəqələrindəki mövqelərinə hücum etdi" dedi.

Nazirlik Ukraynanın hücumuna cavab verdiyini və hücumların Ukrayna ordusunun canlı qüvvə və texnikasına qarşı həyata keçirildiyini bildirib.

Qeyd edək ki, ordunun açıqlamasına görə, hücum nəticəsində Ukraynaya məxsus 16 zirehli texnika, o cümlədən 6 tank, 2 piyada döyüş maşını, 4 zirehli transportyor, 3 “Kozak” zirehli döyüş maşını və bir mühəndis söküntü maşını məhv edilib.

Günel Məlikzadə