20 ildir dost idilər, indi sevgili oldular

20 ildir dost olan, aktyorluq karyerası ərzində zaman-zaman yolları kəsişən və eyni tamaşalarında rol alan Mehmet Esen və Arzu Yanardağ sevgili olub.

News24.az Demokrat.az-a istinadən xəbər verir ki, yeni sevgililər birlikdə Bodruma tətilə gedib.

Mehmet Esen Arzu Yanardağla münasibətlərini təsdiq edib: "Biz əslində çox köhnə dostuq. Bizim çoxlu ortaq dostlarımız və xatirələrimiz var, sanki doğulduğumuz gündən bir yerdəyik".

Qeyd edək ki, Mehmet Esenin 65 yaşı var. O, indiyədək onlarla tamaşa, film və serialda, həmçinin Azərbaycanda da maraqla izlənilən "Behzat Ç. Bir Ankara Polisiyesi", "Arka Sokaklar", "Yalan Dünya", "Eşkıya Dünyaya Hükümdar Olmaz", "Yalı Çapkını" seriallarında rol alıb.

Arzu Yanardağın isə 47 yaşı var. Aktrisa indiyədək "Küçük Gelin", "Eşkıya Dünyaya Hükümdar Olmaz" kimi seriallar daxil olmaqla çox sayda tamaşa, film və serialda rol alıb.