Əfsanəvi aktyor yatağında ölü tapıldı

1983-cü ildə "Scarface" filmi ilə tanınan məşhur aktyor Angel Salazar Nyu Yorkdakı dostunun evində ölü tapılıb.

News24.az xəbər verir ki, filmdə Al Paçinonun köməkçisi Çi Çi obrazını canlandıran ulduzun  nümayəndəsi Ann Vinqsonq TMZ-yə dostunun onu yoxlayarkən cansız bədənini tapdığını təsdiqləyib.

Ölüm səbəbi açıqlanmayan Salazarın bir müddətdir ürək problemləri ilə mübarizə apardığı öyrənilib.

Salazar aktyorluq karyerasının əvvəlində Al Paçinonun canlandırdığı Toni Montana obrazının sadiq köməkçisi Çi Çi rolunu oynayıb və bu filmdə məşhur mişar səhnəsi ilə yadda qalıb.

O, sonuncu dəfə 2022-ci ildə The Black Caesar və The Gilbert Diaries: The Movie filmlərində çəkilib.

Qeyd edək ki, Salazar həm də komediya ustası idi. O, NBC-nin Last Comic Standing serialında rol alıb.

Məryəm İlhamqızı