Pentaqon: ABŞ İranın mümkün hücumuna hazırdır

Pentaqonun sözçüsü Rayder gündəlik mətbuat konfransında jurnalistlərin suallarını cavablandırıb.

News24.az xəbər verir ki, Yaxın Şərqdə vəziyyətin hazırda çox ciddi olduğunu bildirən Rayderin sözlərinə görə, buna görə də müdafiə naziri Lloyd Austin bölgəyə əlavə müdafiə silahları və sursat göndərilməsini “sifariş edib”.

Bu həftə İranın İsrailə cavab verməsinin mümkün olub-olmaması ilə bağlı suala Rayder belə cavab verib: “Tamamilə mümkündür”.

"Mən onların nə vaxt zərbə vuracaqlarını təxmin etməyə və ya spekulyasiya etməyə çalışmayacağam, ancaq mümkün hücumu ciddi qəbul etməliyik və bunu edirik. Bu hücuma hazır olacağıq və hazırıq" - Pentaqonun sözçüsü bildirib. 

Pat Rayder ABŞ-ın vəziyyəti azaltmaq, qüvvələrini qorumaq və İsrailin müdafiəsini dəstəkləmək istədiyini təkrarlayıb.

Xatırladaq ki, Pentaqon bu ayın əvvəlində bəyan etmişdi ki, Birləşmiş Ştatlar İranın İsrailə qarşı cavab addımlarının qarşısını almaq üçün Yaxın Şərqə əlavə hərbi qüvvələr yerləşdirəcək.

Günel Məlikzadə