Ronaldodan yeni REKORD

Portuqaliyalı ulduz futbolçu Cristiano Ronaldo çıxış etdiyi 23 mövsümün hər birində qol vurmağı bacaran yeganə futbolçu olub.

News24.az Oxu.Az-a istinadla xəbər verir ki, Cristiano Ronaldo Səudiyyə Ərəbistanı Superkubokunun yarımfinal görüşündə "Ət-Taavun"a qol vuraraq bu rekorda imza atıb.

Belə ki, Ronaldo futbol tarixində çıxış etdiyi 23 mövsümün hər birində fərqlənən yeganə futbolçu olub.

Qeyd edək ki, Cristiano Ronaldo daha əvvəl beş Avropa çempionatında iştirak edən ilk və yeganə futbolçu olmaqla yanaşı, həm də çıxış etdiyi bütün qitə birinciliklərində qol vuran və turnirdə ən çox qol vuran oyunçu kimi də adını futbol tarixinə yazdırıb.