Nasir Kənanidən Ermənistan AÇIQLAMASI

İran Xarici İşlər Nazirliyinin sözçüsü Nasir Kənani brifinq zamanı ABŞ-ın Ermənistana silah satmasıyla əlaqədar İranın mövqeyi ilə bağlı sualı cavablandırıb.

News24.az Musavat.com-a istinadla xəbər verir ki, bu barədə erməni mediası məlumat yayıb.

“Mənim sizin qeyd etdiklərinizlə bağlı faktiki məlumatım yoxdur və bu xəbərləri şərh edə bilmərəm”, - deyə Kənani bildirib.

İranlı diplomatın sözlərinə görə, onlar ABŞ-Ermənistan münasibətlərini şərh etmirlər, lakin ABŞ-ın regiondakı roluna şübhə ilə yanaşırlar.

İran Xarici İşlər Nazirliyinin rəsmi nümayəndəsi Ermənistan-İran münasibətlərinə də toxunub.

“Əsas odur ki, İran və Ermənistan arasında münasibətlər konstruktivdir və hər iki ölkənin hərtərəfli münasibətləri inkişaf etdirmək üçün ortaq iradəsi var”, - deyə Kənani qeyd edib.