"Jirona"dan rekord transfer

"Jirona" heyətini yeni futbolçu ilə gücləndirib.

News24.az QOL.az-a istinadla xəbər verir ki, bu barədə klubun mətbuat xidməti məlumat yayıb. Kataloniya təmsilçisi İngiltərə "Uotford"undan vinger Yaser Asprillianı transfer edib. 

20 yaşlı yarımmüdafiəçi ilə 30 iyun 2030-cu ilə qədər müqavilə imzalanıb.

İnsayder Fabrizio Romanonun yaydığı məlumata görə, "Jirona" futbolçu üçün "Uotford"a 18+7 milyon avro ödəyib. Bu isə klub tarixinin transfer rekordudur.

Qeyd edək ki, Yaser ötən mövsüm 47 matçda 6 qol vurub və 8 qolun ötürməsini verib.