6 vaqon dəmir yolunda relsdən çıxdı

Trans-Baykal Dəmiryolunun Şaxterskaya stansiyasında kömürlə yüklənmiş 6 vaqon relsdən çıxıb. 

News24.az xəbər verir ki, bu barədə Şərqi Sibir Nəqliyyat Prokurorluğunun mətbuat xidməti məlumat yayıb. 

Hadisə “Şaxterskaya” stansiyasına bitişik, ictimai olmayan traslarda baş verib. Eyni zamanda vaqonların relsdən çıxması səbəbindən qatarların hərəkəti dayandırılmayıb. 

Hadisə nəticəsində xəsarət alan olmayıb.

Qeyd edək ki, Borzino Nəqliyyat Prokurorluğu tərəfindən dəmir yolu nəqliyyatının hərəkətinin təhlükəsizliyi və istismarı üzrə qanuni tələblərə əməl olunması yoxlanılır.

Məryəm İlhamqızı