ABŞ ümidini kəsdi: "Bayden dövründə atəşkəs OLMAYACAQ"

ABŞ-ın yüksək rütbəli rəsmilərinin Co Bayden vəzifəsini tərk etməmişdən əvvəl İsrail və Həmas-ın atəşkəs razılaşmasına nail olacağına ümidlərini itirdiyi bildirilir.

News24.az xəbər verir ki, adı açıqlanmayan bir məmur The Wall Street Journal-a deyib: 

"Yaxın gələcəkdə heç bir sövdələşmə yoxdur. Əslində, bunun nə vaxtsa olub-olmayacağından əmin deyiləm".

Eyni hesabatda bir ərəb ölkəsindən olan başqa bir səlahiyyətli, "Hal-hazırda bunun baş vermə şansı yoxdur. Hər kəs seçkidən sonra gözləmə rejimindədir. Nəticə gələcək administrasiyada nələrin baş verə biləcəyini müəyyən edəcək" deyib.

Hələlik razılıq əldə olunmasa da, İsrail-Həmas münaqişəsi genişmiqyaslı regional münaqişəyə çevrilmək riski daşıyır.

Atəşkəs əldə olunmaması ABŞ-ın daha geniş prioritetlərini də risk altına qoyur.

Hazırda Qəzzada saxlanılan 7 amerikalı məhbusun qohumları çərşənbə günü ABŞ-ın milli təhlükəsizlik müşaviri Jake Sullivan ilə görüşüb.

Günel Məlikzadə