ABŞ-dan İsrailə 8,7 milyardlıq hərbi yardım

İsrail bu yaxınlarda ABŞ-dan 8,7 milyard dollarlıq hərbi yardım paketi alacağını açıqlayıb.

News24.az xəbər verir ki, İsrail Müdafiə Nazirliyindən edilən yazılı açıqlamada, Müdafiə Nazirliyinin baş direktoru Eyal Zamirin bu gün Vaşinqtonda Tel-Əvivin 8,7 milyard dollar dəyərində Amerika hərbi yardım paketini alması üçün müqavilə imzaladığı bildirilib.

Yardımın 3,5 milyard dollarının həyati əhəmiyyətli döyüş materiallarının alınmasını, 5,2 milyard dollarının isə hava hücumundan müdafiə sistemlərinin maliyyələşdirilməsini əhatə etdiyi bildirilib.

Bildirilir ki, müqaviləyə əsasən, sözügedən məbləğ və avadanlıq yaxın vaxtlarda təhvil veriləcək.

Günel Məlikzadə