87 yaşlı qadın leş yeyən quşun hücumuna məruz qaldı

Fransanın cənubundakı Aveyron əyalətinin Verrieres qəsəbəsində yaşlı qadın öz bağında olarkən leş yeyən ona hücum edib.

News24.az bu barədə “The Connexion” saytına istinadən xəbər verir.

Dəqiqələrlə davam edən hücumda yaşlı qadının qolları və bilək nahiyələri ciddi xəsarət alıb.

Xəstəxanaya aparılan qadının vətərlərindəki xəsarətlərin onun iki barmağını itirməsinə səbəb ola biləcəyi bildirilib.

Verrieres Bələdiyyə Başçısı Jerome Mouries bildirib ki, yaşlı qadının xəstəxana xərcləri onun tibbi sığortası ilə əhatə olunmur, buna görə də şəhər olaraq onun müalicəsinin xərclərini onlar öz üzərinə götürüblər.

Yaşlı qadına edilən hücumun kameralar tərəfindən qeydə alındığını bildirən Mouries, leş yeyənlərin nəzarət altına alınmasını istəyib.

Məryəm İlhamqızı