“Simpsonlar” gələcəyi necə görür? - GÖZLƏNİLƏN AÇIQLAMA

“Simpsonlar” cizgi filmində qəribə şəkildə müasir tarixin ən böyük hadisələrini, o cümlədən Donald Trampın prezidentliyi və ağıllı saatı proqnozlaşdırıblar. 

News24.az xarici KİV-ə istinadən xəbər verir ki, cizgi filminin icraçı prodüseri və şoumen Mett Selman uzun müddət hər kəsə maraqlı olan məqama aydınlıq gətirib. O, hadisələri öncədən necə proqnozlaşdırdıqlarını izah edib: “Hər zaman verdiyim və heç kimin xoşuna gəlməyən cavab budur ki, əgər siz tarix və riyaziyyatı öyrənsəniz, bəzi şeyləri təxmin etməməyimiz sözün əsl mənasında qeyri-mümkün olardı. Əgər kifayət qədər şeylər söyləsəniz, bəziləri reallıqla uyğunlaşacaq və bu, riyaziyyatın bir hissəsidir. Əgər bəşəriyyətin keçmiş axmaqlıqlarını araşdıraraq bir şou hazırlasanız, o zaman gələcək axmaqlıqlarını proqnozlaşdırmış olursunuz”. 

Qeyd edək ki, uzun müddət davam edən məşhur cizgi filminin Donald Trampın prezidentliyindən tutmuş 2020-ci ilin qatil arı hücumlarına qədər gözlənilməz olan hadisələri qorxulu şəkildə qabaqcadan söyləmək bacarığı tez-tez tamaşaçıları heyrətə gətirir.

Teymur Məmmədov