Görünməmiş dizaynlı maşın - FOTO

Pininfarina Enigma GT konseptual avtomobili 2024-cü il Cenevrə avtosalonunda təqdim edilib. 

Açılan qapıları və hidrogenlə işləyən daxili yanma mühərriki ilə diqqət çəkən Enigma GT nə vəd edir?

News24.az xəbər verir ki, Pininfarina yeni konsept avtomobili Enigma GT ilə diqqət çəkməyi bacarıb. Prototip çox fərqli dizayna malikdir; Pininfarinanın bu sahədə yeni texnologiyalarını ortaya qoyub.

Təxminən 4,5 metr uzunluğunda iki nəfərlik Enigma GT; 3 metrlik təkər bazası sayəsində 2+2 interyer salonu təklif edir. Bununla belə, bu dizaynı fərqləndirən xüsusiyyət hidrogen yanacaq elementi və elektrik güc aqreqatı idi.

Hidrogenlə işləyən daxili yanma mühərriki, öndəki elektrik mühərriki ilə birlikdə dörd təkərli ötürücülü təmin edir. Bu innovativ hibrid güc aqreqatı konfiqurasiyası çəki paylamasını və aerodinamikanı optimallaşdırır. Şirkətin açıqlamasına görə, Enigma GT-nin dizaynında aerodinamika diqqət mərkəzində olub.

Sürtünməni azaltmaq üçün avtomobilin ön hissəsi cəmi 1,8 kvadratmetrə endirilib. Yan döngələri və maili dam xətti ilə konsept avtomobil hiperkarlarla rəqabət apara biləcək sürtünmə əmsalına malikdir.

Günel Məlikzadə