Məşhur taxt sərvət qiymətinə satıldı

Dünyada izlənmə rekordları qıran "Game of Thrones" (Taxt oyunları) serialında istifadə edilən "Dəmir taxt" hərracda 1,5 milyon dollara satılıb.

News24.az xarici KİV-ə istinadən xəbər verir ki, “Heritage Auctions” hərrac evindən verilən açıqlamaya görə, serialının çəkiliş meydançasında istifadə edilən 900-dən çox əşya hərraca çıxarılıb.

Personajların 8 mövsüm ərzində mübarizə apardıqları "Dəmir taxt" təxminən 6 dəqiqə ərzində satılıb. 

Hərracda serialın personajlarından Con Snounun istifadə etdiyi qılınc təxminən 400 min dollara, ekran işinin son səhnəsində aktrisa Lina Hidinin geyindiyi paltar 137,5 min dollara alıcı tapıb. 

Hərracdan ümumilikdə 21 milyon dollar gəlir eldə edilib. 

Teymur Məmmədov